Навивачки нереди во Црна Гора: Хулигани упаднаа на теренот за време на дербито и го прекинаа натпреварот

Од:

Хулигани повторно предизвикаа хаос во Црна Гора, бидејќи големото кошаркарско дерби меѓу Сутјеска и Будуќност мораше да биде прекинато поради нереди на навивачите.

Екипите се сретнаа во Никшиќ, каде Сутјеска беше домаќин на Подгорица, а на почетокот на натпреварот навивачите на Будуќност, Варвари упаднаа во салата.

Тие во салата влегоа преку отворениот службен влез, а набрзо дојде до инцидент со локалните навивачи, кои се нарекуваат Војводи. Летаа столици и други тврди предмети, а полицијата релативно брзо реагираше и ги отстрани хулиганите од салата.

Судиите решија да го прекинат финалното дерби на црногорскиот шампионат, а првичната идеја мечот да се продолжи пред празни трибини беше брзо отфрлена бидејќи Сутјеска беше против. Во моментот на пауза Будуќност водеше со резултат 36:26.

Според информациите на порталот РТЦГ од Одделот за обезбедување Никшиќ, полицијата од Сутјеска била известена дека нема да има организирано доаѓање на навивачите на Будуќност, односно на Варварите од Подгорица, но тие пристигнале во Никшиќ во приватен аранжман и направиле хаос.

Во инцидентот бил скршен троцифрен број столчиња со кои навивачите се мавале, јавуваат медиумите од Црна Гора.

Би можело да ве интересира

Немирна ноќ во Берлин – тепачки меѓу навивачите на Панатинаикос и Олимпијакос

Навивачи на „Брајтон“ се повредени и ограбени во Рим

(ВИДЕО) Снимка од навивачките нереди во Загреб: Повредени полицајци, приведени навивачи

Катерина Ѓуровски

(ВИДЕО) Хаос на софиските улици: Навивачи предизвикаа „војна“ со полицијата, неколкумина се повредени

ВИДЕО: Инвазија од 100 илјади фанови, тепачки, најголема мобилизација на полицијата

Предраг Петровиќ

Малолетник нападнал полицајци во СРЦ „Кале“, во станица завршиле и петмина скопјани

Горан Наумовски