Кошаркарската федерација на Србија ја објави ситуацијата околу Бориша Симаниќ на кој за жал му беше отстранет бубрег по постоперативните компликации.
„Српскиот репрезентативец Бориша Симаниќ, кој се наоѓа во болницата „Макати Медикал Центар“ во Манила поради повреда здобиена на натпреварот од 3. коло од групната фаза на Светското првенство, вчера беше опериран. Откако Симаниќ беше опериран за првпат ноќта на 30 и на 31 август лекарите го следеле постоперативното закрепнување и одлучиле дека поради компликации е неопходна нова операција“, соопшти КСС.
Симаниќ се повреди на натпреварот против Јужен Судан кога Нуни Омот непотребно го удри со лакт во пределот на бубрегот.
За новата операција и здравствената состојба на Бориша Симаниќ, лекарот на српската репрезентација, проф. д-р Драган Радовановиќ вели:
„Поради појава на компликации на повредениот бубрег кои настанаа во постоперативниот тек, на 3 септември беше извршена уште една операција на Бориша Симаниќ. Поради промени во виталноста на бубрежното ткиво, за време на операцијата мораше да се отстрани целиот бубрег. Посакувајте после оваа операција постоперативниот тек да помине како што треба“, рече тој, а пренесува КСС.