ФИБА објави нова ранг листа по Олимписките игри во Париз.
Кошаркарите на САД го освоија златото во Париз и останаа „прицврстени“ за првото место на листата, а Србија е веднаш зад нив.
Српската селекција е на 758,9 поени, скокна две места и ја прескокна Германија.
Четвртото место и припадна на Франција, која заврши на второто место во најголемото спортско шоу и се искачи за пет места, што е најголем напредок во Топ 20.
За две позиции напредуваше и Канада, бидејќи беше на Игрите по 24 години. Сега е петта, а вреди да се забележат и Грција и Порторико, кои ги зазедоа 13-то, односно 15-тото место. Тоа е за една позиција напредок и за двата тима.
Најдобар африкански тим е Јужен Судан. Ова им беа први Олимписки игри, остварија и еден триумф и скокнаа за 11 позиции – од 34 на 23.
За пет места напредуваше и Камерун од африканските селекции поради успешните настапи на квалификацискиот турнир на ФИБА за Олимписките игри во Латвија. Тие се на 64 место.