Репрезентацијата на Србија во кошарка 3х3 во финалето на Европското првенство што се одржува во Ерусалим ќе игра против Литванија. Претходно денеска Србија ја победи Летонија со 21:18, додека Литванија беше подобра од Франција со 21:18. Финалето е закажано за вечерва од 19.55 часот.
Србија е четирикратен последователен шампион на Европа, а на ЕП во Ерусалим настапува во составот на Страхиња Стојачиќ, Стефан Којиќ, Марко Бранковиќ и Немања Бараќ. Србија досега има освоено пет медали на ЕП, четири златни и еден сребрен.
Литванија има три медали на ЕП, од кои еден сребрен и два бронзени медали. Србија и Литванија играа во финалето на ЕП 2021 во Париз, а „орлите“ победија со резултат 20:14. ЕП во Ерусалим е осмо во историјата на првенството, пренесува Танјуг.