Специјализираниот сајт „The Analyst“ направи прогноза за победникот на Светското првенство во Катар.
Овој сајт кој се занимава со спортски анализи објави резултати кои изненадија многумина, а за прв фаворит е прогласен актуелниот светски шампион Франција.
На „триколорите“ им се даваат 17,93 проценти шанса да ја одбранат титулата, што на никој не му успеало од 1962 година односно од двојната титула на Бразилците.
На второ место е Бразил со 15,73 отсто шанси, а трети се Шпанците кои имаат 11,53 отсто шанси да ја подигнат „златната божица“.
Потоа следуваат Англичаните, Белгијците, Холанѓаните, Германците и Аргентинците, а првите 10 фаворити ги комплетираат Португалците и Хрватите со 2,31 отсто.
Србија е само на 22 место со 0,24 отсто шанси.
Пред неа се Швајцарците кои се во иста група со „орлите“, Иран, Јапонија, Велс, па дури и домаќинот Катар и Кореја.