Надал пред мечот со Федерер: Ако не му создадам проблеми, јас ќе имам такви

Од:

Рафаел Надал му даде само пет гема на Кеј Нишикори и се пласира во полуфиналето на „РОлан Гарос“, каде го очекува Роџер Федерер. Светскиот број 2 е подготвен за епизодата бр. 39 од тениското „Ел Класико“, во која води со 25:13 во победи.

– Ако треба да сум чесен, за мене најважно е фактот дека сум во полуфиналето. Начинот на кој играм е многу позитивен. Играв цврсто и освоив натпревари против тешки противници. Фактот дека Роџер стои пред мене во полуфиналето, е дополнување на сето ова. Со него ги споделивме најважните моменти во нашата кариера, соочувајќи се еден против друг. Следува нова епизода. Тоа ќе биде посебен момент и се надевам дека ќе бидам подготвен за него, рече 11-кратниот шампион во Париз.

И двајцата се соочија само еднаш во оваа фаза на турнирот – во 2005 година, а Надал беше победник. Потоа следеа четири финалиња на Ролан Гарос, во кои триумфираше „Кралот на земја“.

– Секој натпревар е различен, нема два исти натпревари. Секогаш пробуваме различни работи. Очекувам дека ќе игра агресивно, ќе го смени ритамот и ќе излегува на мрежата. Морам да бидам солиден и да ја погодувам топката толку силно, за да не му дозволувам да излезе во добри позиции. Ако играм добро од форхенд и бекхенд, се надевам дека ќе му создадам проблеми. Ако не, јас ќе имам такви, рече Надал со насмевка.

Би можело да ве интересира

ВИДЕО: На Фоњини не му помогнаа советите од Надал и Федерер

Ана Ололовска

Надал може да му помогне на Ѓоковиќ да остане број еден

Федерер размислува да стави крај на кариерата

Ѓоковиќ го надмина Конорс по бројот на недели како лидер на АТП листата

Надал: Медведев е најдобриот тенисер од новата генерација

Ана Ололовска

Тениски турнир во Хонг Конг откажан поради протести

Ана Ололовска