Поранешниот чешки тенисер Иван Лендл ќе ја обнови соработката со Британецот Енди Мареј. Чехот повторно ќе го тренира вториот светски тенисер.
Под негово водство, Мареј го освои златниот медал на Олимписките игри во Лондон 2012, победи на УС Опен истата година, а една година подоцна го освои и Вимблдон.
– Се радувам затоа што ќе работам со Лендл, изјави Мареј.
Најдобриот британски тенисер веќе еден месец е без тренер, бидејќи ја прекина соработката со Амели Морезмо.