Најдобриот меч во досегашниот дел од Олимпискиот тениски турнир, помеѓу најдобриот светски тенисер Швајцарецот Роже Федерер и Хуан Мартин дел Потро од Аргентина му припадна на Швајцарецот со 2-1 во сетови, по 36 гема.
Откако првиот сет му припадна на Дел Потро со 3-6, а вториот во тај брејкот го освои Федерер, следеше историскиот трет сет меѓу двајцата извонредни тенисери кој на крајот му припадна на Швајцарецот со 19-17 за конечен триумф.
На тој начин Роже Федерер обезбеди најмалку сребрен медал за Швајцарија од машкиот турнир, а во финалето ќе игра против домашниот тенисер, Енди Мареј, кој беше подобар од Србинот Ѓоковиќ со 7-5, 7-5.