Владата на Србија ќе има и една министерка која јавно се изјаснува за личност со хомосексуална определба, рече Александар Вучиќ денеска во српскиот парламент.
-Ана Брнабиќ, која ќе биде министерка за локална самоуправа во новата српска влада е припадничка на геј популацијата. Таа тоа не го крие и со гордост говори за нејзината определба. Таа е толку љубезна и ми рече: Претседателе, ако тоа ви пречи, сигурна сум дека луѓето ќе зборуваат..а јас одговорив: Не, мене ме интересира само твојот резултат, а знам колку си стручна и вредна, рече Вучиќ и додаде:
-Воопшто не ме интересира, тоа е нејзино право, мене ме интересираат нејзините резултати. Ако имате да ми кажете нешто лошо од нејзината биографија, а во неа нема ниту дамка-тоа е жена која има многу направено за сите нас, и многу се радувам на нашата заедничка работа. Таа има извонредна енергија, а мене ме интересира само да постигне резултати во тешка работа што стои пред неа, рече Вучиќ.
Брнабиќ по професија е менаџер за односи со јавноста, а магистратирата од областа на маркетингот ја има завршено на британскиот универзитет “Hull”.
По шестгодишниот престој во странство, дипломски и постдипломски студии и ангажманот на факултетот во Српскиот информативен центар во Лондон, се врати во земјата со желба како што самата кажа “да даде придонес во реформите и просперитетот на Србија“.