13 деца се повредени во Куршумлија, уапсен е сопственикот на рингишпилот

Од:

Вкупно тринаесет деца се повредени при уривање на рингишпил во Куршумлијa. Инцидентот се случи денеска околу 13.30 часот кога се урна вртелешка полна со деца.

На местото на инцидентот имало повеќе од пет возила на брза помош, а лекарите ги згрижиле сите деца на кои им била потребна помош.

Во меѓувреме, полициски службеници од Куршумлија го однеле сопственикот на вртелешката во полициската станица во тој град.

Инаку, како што велат мештаните, оваа вртелешка е таму веќе неколку дена, а денеска е саемот во Куршумлија. Децата беа на неа кога структурата се олабави.

– Во најкритична состојба е 13-годишно дете. Три деца се во Здравствениот дом Куршумлија, а седум во Прокупље, а едно дете е префрлено во Ниш, додека две деца се пуштени дома – изјавил изворот од истрагата за српските медиуми, додавајќи дека се сомнева дека несреќата се случила кога вртелешката се скрши на половина.

За жал, ова не е прва несреќа што се случила со неисправен рингишпил.

Минатата година во Грочка за време на манифестацијата „Грочка фестивал“ на вртелешката беа повредени три млади лица, при што падна дел од конструкцијата и, како што подоцна соопштија надлежните, тоа се случило поради „невнимание на работници“.

Три години пред оваа несреќа, во Сомбор се урна вртелешка полна со деца. Имено, само со чиста среќа во Колут кај Сомбор е избегната трагедија кога главниот столб на вртелешката пукна во моментот кога на неа се наоѓаа голем број деца.

Би можело да ве интересира

Силно невреме во Белград, паѓа град со големина на орев, дождот ги поплави улиците

A1on

Земјотрес на југот на Србија

Рингишпил се урна во забавен парк во Лондон, четири лица се пренесени во болница

Белград: Синот кој ја нападна својата мајка е непресметлив, задржан е во затворска болница

Таткото го убил во ходникот, а бабата и дедото додека гледале ТВ

Хорор во Књажевац: Млад човек со ловечка пушка си го уби целото семејството

Предраг Петровиќ