Во последните 24 часа во Србија се регистрирани 287 нови случаи на Ковид-19, а починале деветмина пациенти.
Тестирани се 10.912 луѓе, а во болниците, од вкупно 581 згрижени пациенти, 38 се на респиратор, соопштија здравствените власти.
Од почетокот на пандемијата во Србија се забележани 712.989 случаи на заразени со коронавирусот, а од последиците на Ковид-19 починал вкупно 6.881 пациент.
Во земјата во изминатите петнаесетина месеци се направени 4.175.109 тестови. Речиси 4,7 милиони луѓе примиле една доза од вакцината против вирусот, а целосно имунизирани се над 2.5 милиони Срби.