Словенечката полиција во Љубљана и Врхника приведе две лица, кои наводно се бореле на страната на исламските екстремисти во Сирија и заплени поголема количина оружје.
По приведувањето тие се пуштени на слобода, бидејќи според надлежните не претставуваат опасност за Словенија, а ќе бидат казнети поради незаконито поседување на оружје.
Станува збор за словенечки државјани кои под влијание на Билал Босниќ преминале во ислам. Според тврдењата на словенечките медиуми, кои се повикуваат на разузнавачки извори од државата, безбедносните служби се сомневаат дека под влијание на екстремниот ислам се уште најмалку 15 нивни државјани.
Е. Г.