На социјалните мрежи се прошири видео од угостителски објект во зграда во сопственост на општината Башка Вода во Хрватска чиј градоначалник веќе 30 години е Јошко Рошиќ од ХДЗ на кое се гледа славје со песна за усташкиот масакр на Србите пишува хрватскиот Индекс.
На видеото јасно се слушаат и се гледаат гостите како се забавуваат со песната која се слави усташкиот масакр врз Србите во Втората светска војна. Песната предизвика воодушевување кај присутните. Има и такви на кои им е непријатно бидејќи настанот се снима. Младиот човек кој фрла послужавник на подот на почетокот на видеото е син на советник од ХДЗ.