Министерот за надворешни работи на Велика Британија Филип Хамонд, ќе биде во официјална посета на Белград при што ќе разговара за унапредување на билатералните односи и други прашања, јави Танјуг.
Пред посетата, шефот на Форин офисот упати порака дека ја поддржува Србија на патот кон Европската унија и посака успех за време на претседавањето со ОБСЕ.
Во минатата година премиерот на Србија, Александар Вучиќ и Хамонд имаа средба во Лондон каде беше нагласено дека флексибилнот пазар на труд е важен за странските инвеститори, дека доаѓањето на странски инвеститори е исклучително важно за економскиот раст и оти Британија е добар пример кога се во прашање странски инвестиции.
Во таа прилика, беше истакнато дека стабилноста на Запден Балкан е приоритет на британската Влада, а Србија треба да има клучна улога во регионот.