Рама во одбрана на Курти: Не може да го напаѓате затоа што се однесува како премиер

Од:

Албанскиот премиер Еди Рама застана во одбрана на својот косовски колега Албин Курти по обвинувањата врз него по постигнувањето на договорот меѓу Косово и Србија за проблемот со регистарските таблички.

dobivaj vesti na viber

Во објава на Твитер вели дека Албин Курти не може да биде нападнат за договорот, кој е “соодветен и благодарение на кој е избегната ескалација на ситуацијата”.

Според Рама, Курти не може да биде обвинуван бидејќи се однесувал како премиер.

„Воопшто не се согласувам со нападите врз Албин Курти по правилниот договор кој за среќа го затвори повторно отворениот пат на непредвидливи случувања! Да го нападнеш Албин затоа што се однесувал како премиер е исто како да бараш отчет од него затоа што не размислува и зборува исто како кога бил во затвор“, напиша Рама доцна синоќа во објавата на Твитер.

Според албанските медиуми премиерот Курти се соочил со низа обвинувања по постигнувањето на договорот со Србија за регистарските таблички.
– Активисти на Социјалдемократската партија, симболично го гаѓаа со цреши пред зградата на Владата каде што требаше да го претстави буџетот за 2023 година. Тие фрлаа цреши кон Курти, кој потоа влезе во зградата преку таен влез, придружуван од обезбедувањето, јавија албанските медиуми.

Извор: МИА

Би можело да ве интересира

Курти: Не можам да зборувам за нивото на едукација на Вучиќ, работам според Уставот на Косово

Интерпелација за премиерот Курти во Собранието на Косово

ВИДЕО: Курти го гаѓаа со цреши пред владата на Косово, обезбедувањето го спасуваше од насобраните

Курти: Договор меѓу Косово и Србија не е постигнат затоа што Борел се откажа од предлогот на ЕУ

Вучиќ и Курти ќе се сретнат во Брисел

Во Белград Конференција за инвестиции во обновливи извори на енергија

Катерина Павлова-Николовска