Фаила Пашиќ-Бишиќ, муслиманка која што е родена во Словенија, доколку биде избрана на претстојните избори за Европскиот парламент, ќе биде првата претставничка со шамија.
Пашиќ која што е истакната хуманитарка, вели дека нејзина цел е борба за еднакви права на сите луѓе.
-Мислам дека дојде време европската јавност да прифати активно гласачко тело, како и муслимани -вели таа во интервју за „Ал џазира Балкан“.
Како што наведе во својата работа ја промовира толеранцијата и соживотот, меѓурелигискиот и меѓукултурниот дијалог и разбирањето. Се бори против исламофобијата, говорот на омраза и расизмот.
Оваа мајка на две деца и сопруга, која што живее во Словенија е позната како хуманитарна активистка, која учествувала во акции во Босна, Косово, Газа, Мароко и Филипини.
Добитичка е на голем број признанија, а сега е и официјален кандидат на претстојните избори за Европскиот парламент. Таа вели дека на овој чекор се одлучила поради тоа што ја наговорил словенечкиот и европски политичар, Јелко Кацин.
-Мојот случај и појава навистина се единствени. Јас сум Бошњак, муслиманска која носи превез. Мојот начин на живот и ставови се разликуваат од конвенционалните кандидати. Колку што знам, јас сум првата муслиманка со превез, која се кандидира за Европскиот парламент до сега. Имам широка поддршка во Словенија, но и од цела Европа -вели Пашиќ и додава дека нејзината кандидатура, кај некои луѓе предизвикува негативни чувства, но таа тврди дека на тоа навикнала.
Оваа хуманитарка својата кандидатура ја смета за голем успех за европското општество и јавност, а својот влез во Европскиот парламент го смета за триумф на заговорник за слобода и права.
Е. Г.