Известувачот на Европскиот парламент за Србија, Дејвид Мекалистер ги повика европските институции да ги признаат напредокот во дијалогот помеѓу Србија и Косово со тоа што ќе ги отворат првите поглавја во преговарачкиот процес со Србија.
Тој во краткотиот говор пред пленарното заседание на Европскиот парламент во Стразбур подсети дека премиерите на Србија и Косово ги финализирале договорите за клучните прашања, вклучувајќи го и договорот за Заедницата на српски општини.
-Време е за отворање на преговорите со Србија, порача Мекалистер.
Тој кажа дека мора да се признае дека договорот постигнат на последната рунда преговори во Брисел претставува напредок во процесот на нормализација на односите помеѓу Белград и Приштина.