Српското Министерство за правда денеска соопшти дека од Хрватска добило прочистен список со имиња на 1.557 лица, против кои хрватските правосудни органи водат истрага или покренале обвиненија за воени злосторства во периодот од 1991 до 1995 година.
Списокот содржи и преглед на обвинети, кои се судени во отсуство во Хрватска, бидејќи избегале во Србија.
Списокот е предаден на почетокот на јули на средба на српско-хрватската комисија за подготовка и размена на списоци на лица, обвинети или осудени за воени злосторства, извршени во периодот 1991-1995 година.