Изјавата на словенечкиот претседател Борут Пахор дека неговата земја ќе се обиде да влијае врз петте земји-членки на ЕУ кои не го признале Косово, да го сторат тоа, непријатно ја изненадила српската премиерка Ана Брнабиќ.
Таа рече дека оваа изјава не е во согласност со добрите и пријателски односи меѓу Србија и Словенија. Брнабиќ сепак го поздрави фактот што Словенија ја повика Приштина да го спроведе бриселскиот договор, со акцент на конечното формирање на Заедницата на српски општини.
– Ние имаме пријателски односи со Словенија, но оваа изјава не е во духот на тие пријателски односи со Србија и јас сум многу непријатно изненадена, констатираше Брнабиќ.