Косовската разузнавачка агенција (АКИ) денеска потврди дека нејзин службеник бил уапсен под сомнение дека е вмешан во грабеж на банка во Приштина.
Косовската полиција синоќа уапси три лица, кои се обвинети дека влегле во банката и украле 13.000 евра.
Информацијата дека еден од тројцата уапсени е службеник во агенцијата за разузнавање беше потврдена и од шефот на парламентарната Комисија за надзор на АКИ Фадил Демаку.
Демаку истакна дека уапсениот службеник на АИК е времено отстранет од работното место и ќе биде суден, а доколку се докаже дека е виновен ќе добие отказ од работа.