Популарната пејачка Шер изјави дека холивудскиот актер Том Круз, во текот на 80-тите кога глумеше во филмот „Топ Ган“, бил еден од нејзините „топ пет“ најдобри љубовници.
Оваа 67-годишна пејачка, која во 80-тите се забавувала со Круз, исто така откри дека спиела и со жени.
– Том тогаш не беше Саентолог. Беше згоден, одлично момче. Тој беше во „топ пет“ и еден од најдобрите љубовници било кога, истакна Шер во една емисија на американската телевизија, потсетувајќи се на нивната романса.
Кога водителот на емисијата Енди Коен ја прашал дали некогаш била со жена, Шер одговорила: „А кој не бил?“
Круз (51) неодамна изјави дека работи на продолжение на „Топ Ган“ и дека е „возбуден“ што ќе ја повтори улогата од овој филм.