Новата Мис на Русија, Елмира Абдарзакова (18), неколку дена по изборот за најубава девојка во земјата, беше принудена да го згасне профилот на социјалната мрежа поради бројните пораки со омраза на национална основа.
Елмира, ќерка на русинка и татар од сибирскиот Кемеров се соочи со негативни реакции на етничка основа од страна на руските националисти, што ја принуди да се повлече од популарната руска социјална мрежа Vkontakte.ru “за да ги избегне понатамошните провокации”.
Едно лице напишало дека би морало да постои закон со кој на “татарските жените и на етничките Шори ќе им биде забрането да се натпреваруваат во убавина”.
Елмира додаде дека коментарите се мотивирани од “расизам и национализам”, но луѓето кои се во центарот на вниманието на медиумите, мора да очекуваат и негативни реакции.
Оваа студентка по економија, освои 100.000 долари, луксузен автомобил и можност да ја претставува земјата на натпреварите за Мис на светот и Мис на Универзумот.
Елмира рече дека парите ќе ги инвестира во својот роден град.