Познатата актерка Скарлет Јохансон потврди дека е во врска со 30-годишниот Французин, Ромен Доријак, менаџер на една креативна агенција и поранешен уредник на францускиот магазин „Кларк“ за андерграунд урбана уметност.
Но, 28-годишната актерка демантира дека е верена иако на домалиот прст на лева рака носи дијамантски прстен.
Јохансон во 2010 година се разведе од Рајан Рејнолдс.
– Па, тоа не беше и така одамна. Но, имав доволно време да размислам за тоа искуство и да одам понатаму. Што сум постара подобро се запознавам себе си, а тоа ми помага и во романтичните односи, истакна Јохансон.
Таа посочи дека единствена работа која не може да ја толерира во врските е љубоморното однесување.
– Немам ништо против повременото „однесување“, но кога некој е пасивно-агресивно љубоморен, тоа навистина не е привлечно, бидејќи е доказ за несигурност…
Таквото однесување е одвратно! Никој нема да ви каже дека тоа го сака, истакна
актерката.
Јохансон изјави и дека не ги сака социјалните мрежи.
– Не ја разбирам таквата потреба да „споделувате“. Речиси да се искористуваме себе си за да се почувствуваме видени, истакна Јохансон.