Споменот на Оливер Драгојевиќ живее и неколку години по неговата смрт и токму преку она што му беше најважно во животот – неговата музика.
Токму затоа неговото семејство одлучи да издаде албум со нови песни, постхумно, за публиката да може да се сети зошто тој беше една од најголемите ѕвезди на просторите на поранешна Југославија, па и пошироко.
Драгојевиќ снимал нов материјал се до последниот ден. Семејството по неговата смрт избирало песни и аранжмани, бидејќи тие ги наследиле правата на сè што тој создавал низ својата кариера. Затоа, со голема одговорност кон Драгојевиќ и неговата публика, а со помош на соработниците, се избрани песни кои ќе бидат објавени на албум во текот на 2024 година.
На албумот ќе има 12 песни, а ќе биде објавен и спот со помош на технологија, веќе снимени инсерти и секако, појавување на внукот на Драгојевиќ, Тони, во спотот за првиот сингл од албумот – „Не могу ти речи“.