Откако пред неколку дена раперот Иван Динев – Устата ги навреди чувствата на Македонците со песната „Лекција по македонска историја“, изведувачот доби стотици пораки со закани по неговиот живот.
Раперот вчера поднел пријава во полиција, а денеска документите ќе стигнат до Државната агенција за национална безбедност (ДАНС) и до Министерството за надворешни работи на Бугарија.
Во средата раперот поднел пријава во полиција, но нагласил дека прашањата што му ги поставувале таму биле апсурдни.
„Затоа решив да се обратам до повисоките институции“, изјави Динев за НОВА.
Пред неколку дена Динев сподели со своите следбеници на социјалните мрежи дека добил над сто смртни закани по објавувањето на песната чија порака била насочена кон Северна Македонија.
“Прва лекција за историјата на Македонија. Ова не е земја, туку територија”, се дел од римите во песната.