Вилата на Беверли Хилс, каде своевремено живееше Елвис Присли со неговата сопруга Присила, ставена е на продажба за 12,9 милиони долари.
Како и “Грејсленд”, имотот на Елвис во Мемфис, Тенеси, калифорниската вила со децении е место за аџилак на обожавателите на “кралот” на рокот.
Вилата, која се простира на имот од околу половина хектар, со поглед на Лос Анџелес, има четири спални соби и пет бањи.
Како што соопштува АП, Елвис и Присила ја купиле куќата во 1967 година, а ја продале неколку години подоцна, кога се разведоа.
Пред да се понуди на продажба, вилата се изнајмуваше по цена од 25.000 долари месечно.