Празниците – замка за прејадување

Од:

Лекарите и нутриционистите апелираат на граѓаните за време на празниците да водат сметка и да не упаднат во замка на прејадување и претерување со пиење, посебно на оние кои постат и кои, после неколку недели, за Божик ќе јадат мрсна храна.

Иако за Нова година, Бадник и Божик во поголеми количини се подготвуваат различни јадења, треба да се придржуваме кон основните правила кои важат во секој период од годината и да настојуваме исхраната да биде редовна, умерена и разновидна, препорачуваат лекарите и нутриционистите.

Како начин на подготовка кој посебно е непожелен од здравствен аспект е пржењето и похувањето храна.

Кога е во прашање празничниот ручек, лекарите појаснуваат дека умереноста подразбира оти предјадењето можеме и да го прескокнеме, а по супата да избереме едно од главните јадења кои ни се нудат, на пример само сарма или само печење, не заедно и едното и другото.

Кога луѓето постат, преминувањето од посна на мрсна исхрана не треба да биде нагло, како што и воведувањето на постот треба да биде постепено, велат лекарите.

Тоа значи дека на првиот ден на Божик, оние што постат не треба да посегнуваат по големи количини мрсна храна и да избегнуваат големи количини печено месо, колачи и алкохолни пијалаци.

Умерената исхрана е начин да избегнеме непосредни здравствени тегоби, како што се чувство на надуеност, или болки во стомакот, но и долготрајни последици кои можат да бидат различни, зависно од нашата здравствена состојба – од скок на крвниот притисок до проблеми со варењето кое големиот внес на храна дополнително го отежнува.

Би можело да ве интересира

ВИДЕО: Најскапата торта во Турција е направена од злато

Ана Ололовска

Како да си ја зачувате кожата млада и да не изгледате старо?

Ана Ололовска

Разгледувајќи семејни слики, забележала дека бебето има смртоносна болест

Ана Ололовска

Познатиот лекар Мозли измисли диета – за три недели се губат 10 килограми

Татјана Ташкова

Политиката влијае на психо-физичкото здравје

Ана Ололовска

Соковите со малку шеќер подобро го хидрираат телото отколку водата

Ана Ололовска

Leave a Comment

19 − 11 =