Медиумот „The Blast“ објави потресна фотографија од 56-годишниот актер Џони Деп кој лежи на носилка, сликан по наводниот напад од неговата поранешна соприга Амбер Херд.
Славниот актер поднесе тужба против 33-годишната Херд, поради насилство и тортура. На оваа тужба и претходеше и онаа преку која Деп бара од Амбер 50 милиони долари поради клевета.
Таа на тужбата му одговори со фотографија која ја пласираше во јавноста, на која е со модринки и разбушавена коса, а тврди дека сето тоа и го направил актерот.
Амбер тврдеше дека Џони го уништил нејзиниот стан од 3 милиони долари и дека често и се заканувал со смрт и бил исклучително љубоморен.
По повод фотографијата од Џони Деп од болницата се огласил и правниот застапник на Амбер, адвокатот Ерик Џорџ велејќи дека тоа е апсурдно.
– Оваа тужба е апсурдна, навредлива и неточна. Оваа фотографија не докажува ништо освен дека Џони Деп е очаен и сака да го сврти вниманието од неговото злоставување врз Амбер, рече нејзиниот адвокат.
Фотографијата датира од 2015-та година, а Џони е сликан во болница во Австралија, по физичка пресметка со Амбер, кога таа наводно го удирала со стаклено шише, а потоа со цигара му направила видлива опекотина на десниот образ.
До кавгата наводно дошло поради тоа што на Амбер не и се допаднала идејата Џони да состави предбрачен договор со неа.