Оскаровецот Мајкл Даглас изминатите неколку дена престојува во Прага, каде го снима новиот филм со работен наслов „Отклучено“, јави дописникот на МИА од чешкиот главен град.
Сепак, многу случајни минувачи тешко дека во човекот со темно сина јакна и капа ќе ја препознаат мегаѕвездата.
Тој, сосема сам, без телохранители беше фотографиран како ги разгледува прашките знаменитости измешан меѓу туристите.
Во филмот, каде Даглас е агент на ЦИА, а дејствието се одвива во Лондон каде се заканува биолошки терористички напад глумат и Орландо Блум и шведската актерка Нуми Рапас.