Сопругот на Ким Кардашијан, Канје Вест има намера на својата сопруга да и направи катедрала слична на Ла Саграда Фамилија во Барселона, пренесе еден американски таблоид.
-Секој пат кога во Барселона ќе ја посети познатата катедрала, Канје останува без здив. Сака да има нешто слично за своето семејство, црква за венчавки, крштевање и семејни погреби.
На прозорците планира да го стави својот лик со ликовите на ќерката Норт и сопругата Ким-вели еден негов пријател кој додава дека Канје е свесен дека грандиозниот проект ќе чини повеќе од пет милиони долари.
Изворот вели и дека Вест очекува неговите обожаватели да донираат пари.
-Тој сака нивната црква да стане познато туристичко место, но и да покрене сопствена религија-заклучува изворот.
Е. Г.