Светски познатата шкотска готвачка ѕвезда Гордон Ремзи изјави дека поради состојбите со пандемијата, во изминатата година е во загуба од 57 милиони фунти (околу 66 милиони евра).
Ремзи, кој поседува 35 ресторани и планира да отвори уште пет во оваа година, признал дека е „опустошен“ поради финансиските последици од пандемијата на коронавирусот, а само во јануари загубил 11.5 милиони евра поради новите мерки со кои беше забранета работата на угостителските објекти во Велика Британија.
Славниот готвач откри дека морал да откаже 22.000 резервации за неговите ресторани во септември, затоа што Англија тогаш беше ставена под строги
антиепидемиски мерки.
„Во декември имавме загуба од 11.5 милиони евра за резервации кои ги снема преку ноќ. Од 19 март лани до 3 февруари годинава, загубивме 66 милиони евра,“ изјави Ремзи за таблоидот „Сан“.