Лос Анџелес е познат по патеката на славните на булеварот „Холивуд“, но локалниот музеј на восочни фигури иако содржи голем број познати личности тие сепак се толку изобличени што не може да се препознае кого претставуваат.
Уредникот на магазинот „Вајс“ Џејми Ли Кертис Тејт објави отворено писмо до Холивудскиот музеј на восочни фигури, во кое изразува длабока загриженост за тоа што го видел.
– Откако влегов, бев пречекан од восочен Том Хенкс од филмот „Cast Away“. Не изгледаше добро. Вусшност беше гаден. Не сум го гледал филмот, така што не знам дали содржи сцена во која Хенкс го губи видот на едното око, но не верувам дека станува збор за тоа, наведува Тејт во своето писмо.
Тејт на управата на Музејот и порача дека восочните фигури изгледаат како кошмар за лица што се родени слепи и кои не знаат како изгледаат човечките суштества.
Дел од „прекрасните“ восочни фигури се Том Круз од „Невозможна мисија“, тројката од „Анѓелите на Чарли“ и Џенифер Гарнер.