Канадскиот актер Кори Монтит, најпознат по улогата во популарната музичка серија „Glee“, пронајден е мртов во еден хотел во Ванкувер.
Триесет и едногодишниот актер го пронашле синоќа лекари од итната помош кои се повикани откако Монтит не се одјавил од хотелот во најавеното време.
Канадската полиција соопшти оти причините за смртта се уште не се утврдени, но оти нема назнаки за насилна смрт.
Монтит минатиот април, кој во серијата „Glee“ игра играч на училишен фудбалски тим кој се придружува кон музичка група, доброволно се пријави во центар за рехабилитација поради „одвикнување од неидентификувани супстанци“.
Веста за смртта на Кори Монтит го потресе Холивуд. Многу холивудски ѕвезди упатија последен поздрав до 31-годишниот актер на своите Твитер профили.
