Актерската двојка Блејк Лајвли (31) и Рајан Рејнолдс (42) го очекуваат третото дете, а среќните вести ги споделија со јавноста на премиерата на неговиот нов филм „Покемон: Детектив Пикачу“ во Њујорк.
Блејк се појави на жолтиот килим облечена во тесен жолт фустан и го покажа трудничкото стомаче. Актерката на премиерата дојде во друштво на сопругот, актерот Рајан Рејнолдс, кој го позајмува гласот на детективот Пикачу во новиот филм.
Триесет и едногодишната ѕвезда на „Озборувачка“ и најплатениот актер за минатата година, Рејнолдс, се во брак од 2012 година. Тие имаат две ќерки, Џејмс и Инес.
