Еден од најпознатите скапоцени камења на светот, 76-каратниот дијамант на австрискиот надвојвода Јозеф, наскоро ќе биде понуден на аукција на која се очекува дека ќе достигне цена од 15 милиои долари, соопшти аукциската куќа Кристи.
Како што пренесува АФП, станува збор за безбоени дијамант, од 76.02 карати и дебелина од 1.5 сантиметри. Пронајден е во денеска затворениот индиски рудник Голконда, откаде потекнуваат познатите дијаманти „Kohinoor“ и „Regent“.
Дијамантот кој го носи името на некогашниот сопственик, надвојводата Јозеф Август (1872-1962) во текот на октомври ќе биде изложен во Њујорк, Хонг Конг и Женева, каде што на 13-ти ноември ќе биде ставен на лицитација.
Дијамантот на надвојводата Јосеф последен пат го смени сопственикот во 1993-та година кога е продаден на аукција во Женева за 6.5 милиони долари.