Во Хрватска кај пиперки увезени од Северна Македонија откриен токсичен пестицид

Од:

Забранет пестицид е откриен кај пиперки од Северна Македонија кои биле увезени во Хрватска, пренесуваат хрватските медиуми.

-Во пиперките од Северна Македонија откриени се остатоци од пестицидот форметанат. Ризикот е сериозен, се наведува во известувањето од Европскиот систем за брзо предупредување за храна.

Форметанат, како што се посочува, е исклучително ефикасен инсектицид кој се користи во производството на овошје и зеленчук. Многу земји сè уште го користат, но во ЕУ е забранет поради сомневање дека може да влијае на здравјето на луѓето.

Овој инсектицид е високо акутно токсичен доколку влезе во организмот по орален пат, умерено токсичен ако се вдишува, а има ниска акутна токсичност ако се нанесува на кожата.

Клиничките знаци по акутна и хронична изложеност на форметанат кај стаорци се намалена телесна тежина, а кај кучињата прекумерна саливација (зголемување на лачењето на плунковните жлезди), отежнато дишење, тремор, повраќање, кашлање.

Би можело да ве интересира

Трипуновски: Постигнат е договор за откупната цена на црвената пиперка

Домашна пита со праз затру цело семејство – 47 годишна жена почина, две лица се борат за живот

Република Српска забрани увоз на мандарини од Турција поради присуство на пестициди

Скопјани се жалат на остар мирис од хемикалии во воздухот вечерва

Кристијан Ландов