Премиерот Зоран Заев истакна дека кога ќе се решат некои технички работи во преговарачкиот процес, тој ќе разговара со грчкиот премиер Алексис Ципрас.
„Имаме некои технички работи кои треба да се решат. Јас од самиот почеток сум позитивен и оптимист, верувам дека ќе го најдеме решението. Штом се отстранат техничките работи, ќе се случи телефонскиот разговор и во најбрз можен рок ќе објавиме тоа што е договорено“ рече Заев.
Тој нагласи дека следните денови се максимално фокусирани и посветени на процесот, кој, како што рече, опфаќа договарања, членови од договорите, детаљи, кои е многу важно да бидат прецизно договорени.
Во Мала Преспа, наглси Заев, би требало да се случи потпишувањето на договорот, што било желба уште од форумот во Давос. Она што го договориле министрита за надворешни работи на Македонија и Грција, сега рече Заев, треба да биде преточено во правен документ.
Тој не даде детаљи за тоа каде запнале преговорите и кои имиња се во игра, за решавање на спорот со името.