(ВИДЕО) Рама жесток кон бугарскиот претседател Радев: Одблокирајте ни го патот, па после блокирајте колку сакате

Од:

Албанскиот премиер Еди Рама на Бледскиот стратешки форум му се обрати на бугарскиот претседател Румен Радев, велејќи му „Одблокирајте го патот“.

Неговите зборови се однесуваат на бугарската блокада на преговорите за членството на Македонија во Европската Унија.

„Ве молам, вие Бугарите не бидете чисти европјани, бидете балканци. Отворете го патот, отворете го патот. Што се обидувате да спасите таму? Отворете го патот за разговори, а потоа пак блокирајте како вистински балканци“, рече Рама.

Тој своето мислење за идните проширувања на Европската Унија го кажа преку виц.

„Некој сретнал ЕУ оптимист и ЕУ песимист. Го прашал ЕУ оптимистот што мисли за проширувањето, а тој му одговорил дека Турција ќе влезе во ЕУ или за време на северномакедонското или албанското претседателство. Потоа ЕУ песимистот на истото прашање одговорил дека и Македонија и Албанија ќе влезат во ЕУ за време на турското претседателство“, рече Рама.

На годинешниот Бледски стратешки форум во Словенија, учествуваат многу шефови на држави и влади од регионот и Европа, официјални највисоки претставници на институциите на ЕУ, како и на повеќе меѓународни и тинк-тенк организации.

Би можело да ве интересира

Лавров: Не ме интересира ставот на ЕУ за Украина, имаме „нормални“ разговори со американски претставници

Трамп: ЕУ воведе царина од 50 отсто за вискито, ние ќе им одговориме со 200 отсто царини

САД не беа поканети на тајниот воен состанок во Париз

Рокас: Има интензивна дипломатска активност за решавање на прашањето со Бугарија

Горан Наумовски

ЕУ воведе контра-царини за американски стоки

ЕУ подготвува жесток одговор на американските царини

Горан Наумовски