Новоизбраната министерка за труд и социјална политика Фросина Ташевска-Ременски денеска ја презеде должноста, соопшти МТСП.
Првиот работен ден Ташевска-Ременски го почна со средби и состаноци со вработените со цел запознавање со тековните работи во Министерството.
На средбата присуствувале и дополнителниот заменик-министер за труд и социјална политика Диме Спасов и заменик-министерот за труд и социјална политика Ибрахим Ибрахими при што разговарале за актуелните состојби во Министерството и исполнувањето на законските надлежности.