Советникот во Шуто Оризари од Алијансата за Албанците, Севдаир Азири е дел од меѓународната криминална група на чие чело бил Шеваљ Муареми е помеѓу шестмината уапсени, како осомничени дека биле дел од групата.
Апсењата доаѓаат по полициската акција во Грчец, Дуќанџик, Чаир но и на неколку други локации, каде осомничените имале луксузни куќи, недвижности и луксузни угостителски објекти кои како што кажа министерот за внатрешни работи Оливер Спасовски, веќе се дел и предмет на финансиски истраги, со цел нивна конфискација.
Криминалната група според Спасовски, вршела убиства, но и носела кокаин од земјите од Латинска Америка до држави од Европската Унија, а дел од кокаинот бил наменет и за нарко пазарот во Македонија.