Дејан Бошковски, ексдиректорот на ЕЛЕМ кој со уште две лица е обвинет во случајот „Тарифа“ на специјалното јавно обвинителство за кој се води и судски процес, во кој е обвинет за незаконска набавка на софтвeрски системи вреден четири милиони евра уште една година ќе добива плата од државата. Одлуката помина денеска на Комисијата за избори и именувањата.
Апанажа во траење од една година ќе добијат и експретседателот на ДИК, Александар Чичаковски, членовите од СДСМ, Виолета Дума и Игор Милев, Силвана Бонева од ВМРО-ДПМНЕ и Субхи Јакупи од ДУИ. Другите тројца членови – Реџеп Прекопуца, Атанас Урумов иСашо Срцев кои поднесоа оставка не побарале апанажа, бидејќи се враќаат на претходните работни места. Поранешната пратеничка Роза Топузовска – Каревска ќе добие отпремнина од Собранието заради заминување во пензија.
Комисијата му ја прекина апанажата на Павле Трајанов поради назначување на друга функциј, на Тања Таневска поранешен државен ревизор и Власта Димковиќ, доскорешен заменик-министер за земјоделство.
В. М.