Пратеничките групи на СДСМ, НСДП, ЛП, ПЕИ и СЛ упатија писмо до премиерот Никола Груевски во кое бараат тој и Претседателот Ѓорѓе Иванов да се обратат во Собранието и да реферираат што планира официјалниот врв самитот во Чикаго.
„Шест години ја замајувате јавноста дека ќе ја решите невработеноста и ќе привлечете странски инвестиции. Шест години македонската економија тоне и е светски шампион во мизерија и невработеност“, пишува во писмото.
Опозицијата му посочува на Груевски дека има должност да каже како планира да ја поправи „катастрофалната економска состојба“.
„ЕУ и НАТО не се ваша приватна работа и тие не смеат и не можат да бидат предмет на Вашето емотивно толкување и нагон“, реагираат пратениците на ставовите на Груевски за МИА.