Пауновски за забранетите прослави: Немаме доволно инспектори, благодарност до сите што ни вршат дојави

Од:

Државниот пазарен инспекторат нема доволно инспектори, но оние што ги има максимално се ангажирани во проверки за почитувањето на протоколите за заштита од Ковид-19, вели директорот Стојко Пауновски.

Денес добиле известување дека планот за нови вработувања за оваа година им е одбиен.

„Дека имаме доволно инспектори-немаме, но максимално се искористени сите што ги имаме. Се што е инспектор советник и помлад инспектор и дење и ноќе се на терен. Имаме барање до Владата за нови вработувања, во планот за оваа година 20 нови инспектори, а 37 вработени, главно инспектори ни заминуваат во пензија до крајот на годинава. Денес добивме известување известување дека ни е одбиен планот, требало да се заштеди и максимално да ги искористиме капацитетите на другите институции. Но која е таа институција од каде што може да земеме инспектори и веднаш да ги пратиме на терен? Една до две години трае обуката на младите инспектори“, рече директорот Пауновски.

Тој е благодарен за дојавите што ги добиваат оти им помагале на вистинско место да ги испратат инспекторите.

„Благодарам на сите што ни вршат дојава. Колку и да се инспекторите на терен, додека се на едно место може да се прекршува на друго место. Потребна ни е помош од сите. Оваа битка не ја водиме само ние како Инспекторат туку ја водиме сите заедно“, нагласи директорот Пауновски.

Од 5 до 11 октомври Државниот пазарен инспекторат направил 2881 контрола и 290 вонредни инспекциски надзори поврзани за здравствените протоколи за отворање и работа на кафетерии и угостителски објекти, согласно важечките закони. Поднесени се 23 прекршочни пријави и 19 кривични пријави за непочитување на протоколите за заштита од Ковид – 19.

Инспекторите за време на викендот без ДДВ регистрирале и 15 прекршоци на Законот за трговија и на Законот за заштита на потрошувачите. Тие контролирале дали истакнатите цени на производите се исти со цените запишани во деловните книги.

Би можело да ве интересира

Нема прекршување за гласањето во скафандери, инспекцијата ги провери протоколите во Собранието

Маја Илиевска-Пачемска

Професори од Средно уметничко: Директорот владее диктаторски, нè тера да држиме физичка настава

Жарко Настоски

Кривична пријава за организаторите на свадба со 300 луѓе во струмичко Банско

Жарко Настоски

Функционерите кои гледаа ракомет во сала казнети по 500 евра за групирање

Кристијан Ландов

Здружението за заштита на работничките права: Во државната управа се кршат препораките и одлуките

Ана Ололовска

Владата го усвои протоколот за спроведување на државната матура

Жарко Настоски