Вицепремиерот Бујар Османи најави дека на денешната владина седница очекува да помине законското решение кое се однесува на СЈО. Тој по средбата со претседателот на антикорупциска комисија рече дека продолжуваат со реформите и исполнување на точките од планот 18, а дека државната Комисија за спречување корупција е дел од тоа.
„Денес на Влада најверојатно ќа го донесеме законот за обвинителство што го опфаќа и СЈО и ова значи дека двата система за антикорупција – обвинителството и ДКСК, се еден од клучните успеси во пресрет на препораката од ЕУ“,изјави Османи.
Претседателката на комисијата, Билјана Ивановска, рече дека побарале помош од СЕП за нови простприи за функционирањето на ДКСК, а упати и апел да се достават анкетни листови од сите функционери.
„Нашата комисија нема законски основ да дава мислења на министерства и други субјекти да не доставуваат барања во однос на кампањата“, порача Ивановска.
Во однос на одоговорноста кај функционерите на ДУИ за случаите на непотизам, Османи рече дека партијата дава максимална поддршка во борбата против корупцијата и непотизмот и ќе чекаат одлука на ДКСК да утврдат дали имало влијание при вработувањето на роднините на нивните функционери.
Од Комисијата порачаа дека до крајот на неделата е рокот до кога треба институциите да ги достават бараните документи за предметите кои веќе ги отвори ова тело.
Галена Николовска-Ризвановиќ