Нема договор Заев-Ахмети: има напредок во ставовите меѓу двете партии

Од:

Лидерот на СДСМ, Зоран Заев и лидерот на ДУИ, Али Ахмети не постигнаа договор за коалиција во новата Влада ниту на денешната средба. Заев по средбата рече дека има напредок во ставовите помеѓу двете партии, а најави продолжување на разговорите и наредните денови.

Во однос на ресорите, Заев кажа дека од прилика се знае кои кадри, кој министерства можат да ги водат. Разговорите меѓу ДУИ и СДСМ продолжуваат и следните денови.

„Денеска имаме напредок во делокругот на аргументацијата за ставовите за двете партии. Се работи за програми, се работи за наратив, се работи за една цела филозофија на одговорност и чест на владеење, разговаравме за големите успеси кои што се постигнати, но секако и одговорноста која ја имаме после овие успеси. Очекуваме период многу лагоден, но и неповторлив за државата и граѓаните, за да можеме да ги максимизираме ефектите за сите. Жалам што денес не можеме да соопштиме дека има договор помеѓу двете страни со кои разговаравме. Разговорите ќе продолжат следните денови и верувам дека штом имаме исчекор кој можеме да го споделиме со граѓаните, тоа ќе го направиме преку вас, медиумите. Јас сум среќен што наративот на коалицискиот договор е стокмен и од прилика вредностите се важни. Затоа што, на крајот имињата, политичарите сето тоа е менливо и минливо, но филозофијата на идното четиригодишно преземање на чест и одговорност е токму во наративот и одговорностите кои се јавно достапни за сите“, рече Заев.

Тој додаде дека е свесен дека треба да има Влада час поскоро, за со цел, побрзо да се донесат итни одлуки, но и решенија за справување со последиците од пандемијата, но и дожот кој поплави неколку населени места.

„Верувам дека нема да губиме време во определбата на ресорите, од прилика, знаеме кој каде е подготвен да земе одговорност. Но, сето тоа ќе значи и взаемна компарација на кадрите за кои ќе се разговара. Но дефинитивно, имаме уште многу да работиме во следните денови, се надевам дека тоа ќе биде ден порано, за тоа да го обелодениме. Гледате, требаме на здравството, образованието се носат одлуки секој ден. Тука сме, јас од СДСМ, Ахмети, од ДУИ имаме заедничка Влада со сите партнери. Ги мериме одлуките, знаеме што се случува во Германија и Словенија за сите предизвици пред нас, па така ги охрабруваме одлуките на самиот политички дел од Владата и ги слушаме експертите, без разлика дали се тоа од здравството, образованието, социјалната или другиот дел од Владата. Знам дека има потреба од брзи решенија на Владата како што се последиците од дождот во Зелениково и другите населени места каде треба да се постапува веднаш, токму по овие работи. Но, тоа предизвикува чувство и кај нас, час поскоро да ги завршиме работите“, додаде Заев.

Би можело да ве интересира

СДСМ: Мицкоски е на страната на неправдата и криминалот, ВМРО-ДПМНЕ е симбол на режим, политички терор и реваншизам

А1он

Владата соопшти кои училишта добиле согласност за изведување настава со физичко присуство

А1он

(ВИДЕО) Кузеска: 309.000 граѓани добија платежни картички во вредност од 26.8 милиони евра

Ана Ололовска

(ВИДЕО) Костадинов: Со именувањето на Ковачки, наместо демократизација Мицкоски спроведува милитаризација на ВМРО-ДПМНЕ

Ана Ололовска

Заев: Потребно е да продолжи фокусот за решавање на прашањето за Црквата

Ана Ололовска

(ВИДЕО) Заев-Гир: Треба да се реформираат сите области, особено владеењето на правото

Ана Ололовска