Во центарот за социјални работи во Охрид денеска беше отворено ново советувалиште за брак и семејство. Советувалиштето ќе функционира на доброволна основа преку која што ќе им се даваат бесплатни услуги на граѓаните за надминување на проблемите во бракот и во семејството, со кои се соочуваат жителите на Охрид, но и жителите на околните општини.
Во советувалиштето ќе можат да бидат вклучени и сите граѓани кои што стапуваат во брак со цел да се започнаат со нивните права и обврски.
„Ова советувалиште верувам дека ќе придонесе во надминување на проблемите и намалување на бројот на разводите воопшто. Овој проект го најавивме пред месец дена и веќе започнува да се реализира. Спроведени се обуки од заводот за социјални дејности и вработените коишто ќе работат во советувалиштето за брак и семејство. Во него се вклучени најискусните стручни лица“, истакна министрот за труд и социјални работи Диме Спасов.
Министрот додаде дека верува дека овие советувалиште ќе придонесат за демогравскиот развој во нашата држава и во насока на зголемување на наталитетот.
Според првиот човек на министерството за труд и социјала, потребата од отворање на овие советувалишта ја совледале бидејќи низ државава се отвориле приватни советувалишта кои ги наплаќаат своите услуги, а од друга страна постојат граѓани кои немаат доволно средства.
Советувалиштето за брак и семејство е прво советувалиште кое се отвори во Македноја. Според најавите во државава треба да се отворат уште десет.
Мики Трајковски