Меџити не кажува дали Уставните измени остануваат услов за формирање на влада: Сега сме фокусирани на победата

Од:

Претседателот на Демократското Движење и носител на листата на коалицијата Вреди во првата изборна единица, Изет Меџити не даде конкретен датум кога според него би се отворил Уставот за внесување на Бугарите во него, ниту дали тоа ќе остане нивниот услов за влегување во новата влада.

„Ние сме фокусирани на промовирање на нашата програма, убедени сме дека ние ќе го имаме легитимитетот на Албанците. Бадентерот ќе го имаме ние, тоа е нашиот фокус до 8 мај, а потоа ќе ги договараме точките за преговарање. Не сакаме да бидеме по секоја цена дел од некоја влада која нема да биде европски настроена. Сега сме фокусирани на победата, на контакти со граѓаните, да завршиме со тоа, после ќе седнеме на маса и ќе разговараме и преговараме. Ние сме стожер на меѓународната заедница и граѓаните, дека Македонија ќе се движи во вистинска насока, тоа е евроинтеграцијата“, кажа Меџити.

Единствената партија која според него е антиевропски настроена е Левица и со нив не сака да влезе во коалиција. За останатите партии, тој остава отворена врата, со став дека кој помалку, кој повеќе, сите се проевропски настроени. За принципот победник со победник од 2008 година, или таканаречениот „мајски договор“, вели дека ДУИ е партијата која го прекршила.

„Од оваа гледна точка сметам дека направи ДУИ добро што го прекрши, зошто беше добро за државата. Но ако ти го прекршиш договорот, не можеш да бараш од друг да го почитува. Ахмети побара помош од другите заедници и тој не е чисто албанска опција. Чисто албанска опција е само Влен. Ништо не оди во прилог на ДУИ, ние сме единствена албанска опција и ние ќе бидеме легитимни претставници на Албанците“, рече Меџити.

Би можело да ве интересира

Шест кандидати на AfD починаа пред германските избори

Османи: Разобличив уште една манипулација на ВЛЕН

Горан Наумовски

СДСМ: Нови тројца кандидати за градоначалници од СДСМ, досега објавени вкупно 60 кандидатури

Горан Наумовски

ВМРО-ДПМНЕ: Зошто Филипче ги штити луѓето кои прислушкувале и обвинителите кои тоа го дозволиле

ДУИ: Наместо уставни измени и европска интеграција, Вреди ја отвори вратата за опасни влијанија од Белград и Москва

За една година изградивме 70 километри експресни патишта и автопат, велат од ВМРО-ДПМНЕ