Во вторник во 11 часот пред платото на спомен куќата Мајка Тереза, ќе биде означен почетокот на кампањата „Помислете на нас!” којашто има цел подигање на општото мислење на јавноста за проблемите на сиромаштијата.
Кампањата којашто традиционално започнува на 16-ти октомври – Меѓународниот ден на гладта ќе трае до 13 ноември 2012 година, а ќе ја реализираат Црвениот крст на Град Скопје и општинските организации на Црвениот крст.
На симболичното означување на почетокот на кампањата „Помислете и на нас!”, ќе присуствува и министерот за труд и социјална политика, Спиро Ристовски.