Албанската полиција разби македонско-косовска група шверцери: Краделе скапи возила и ги продавале во Албанија

Од:

Албанската полиција разби организирана македонско-косовска група чии членови краделе скапи возила во западно европските земји и ги продавале во Албанија.

Во акцијата насловена „луксуз” запленети се седум луксузни возила, уапсено е едно, а се трага по уште пет лица. Во полиција на распит се повикани и лица кои набавиле возила од оваа група.

– Возилата кои достигнуваат високи цени на пазарот ги изнајмувале македонски и косовски државјани од агенции во различни земји на Европската унија, главно од Германија, а потоа ги внесувале во Албанија преку граничните премини „Ќафасан” на албанско – македонската и „Морина” на границата со Косово, соопшти полицијата.

Се додава дека за да избегнат следење пред да влезат на албанска територија го оневозможувале ГПС-от и автомобилите ги пријавувале за украдени. Процедурата за нивна продажба продолжувала со промена на бројот на шасијата.

Полицијата потврди дека оваа шема се користела веќе пет години и основано се сомнева дека во Албанија на овој начин се внесени над 200 луксузни возила.

Извор: МИА

Би можело да ве интересира

(ВИДЕО) Спречен обид за криумчарење 6,4 килограми сребро

Горан Наумовски

Дилер на дрога загина во судир со брод на шпанската цивилна гарда

Руски агенти им плаќаат на луѓе од Србија и БиХ да ставаат пур-пена во издувните цевки на автомобилите

Николовски: Спречен организиран криминал со употребувани возила, запленети 35 автомобили

Поднесено е обвинение против бандата која криумчареше луксузни автомобили, за еден осомничен мерки на претпазливост

Горан Наумовски

На патарините во државава лани е регистрирана фреквенција на 62.662.988 возила