Министерот за земјоделство, шумарство и водостопанство Љупчо Димовски денеска во трговскиот центар Skopje City Mall ќе го отвори Фестивалот на органска храна што по втор пат се одржува во организација на Град Скопје во соработка со Министерството.
Целта на фестивалот е да ја промовира органската храна и органското земјоделство како важен, перспективен дел на одржливото производство, како и здравиот начин на исхрана. Ќе биде ставен акцент на значењето на користењето органски производи за заштита на биодверзитетот и унапредувањето на здравјето на сите живи организми.
На фестивалот ќе се претстават македонски производители на органска храна и ќе можат да се дегустираат нивните органски производи.